तब उन्ले टालोमाथी, लाग्या खूनको कुरा गरिन्

अचम्मै भो हिजो उन्ले, बिरे नुनको कुरा गरिन् ।।
न बाँसुरी बज्न दिइन्, न बेलुनको कुरा गरिन् ।।

बाहाना म खोज्दै थिएँ, त्यो रातको जाडो छल्ने,
मैले उनको कुरा गरेँ, उनले ऊनको कुरा गरिन् ।।

त्यै चिजमा गडे आँखा, सप्को तानी पछ्यौरीको,
जुन चिज लुकाएर, उनले जूनको कुरा गरिन् ।।

शित झर्थ्यो डाँठबाट, तप्प तप्प आवाज दिँदै,
म अर्कै धुनमा थिएँ, उनले धूनको कुरा गरिन् ।।